مراااحب..~ ~[فيه اكثر من طريقه مجربه تقدر تعرف فيها الناس اللي يحبونك مره ومستعدين يفدونك بعمرهم ..من الموجودين حولك وحواليك دايم..بس انت مو حاس فيهم..
وش الفايده طيب ؟؟؟ اقول لكم وش الفايده ..ساعات لازم نعرف من اللي بجد يحبنا عشان نعتمد عليه ونتطمن بقربهونحس بالأمانونضمن وده ,واخلاصه ,وولاءه لنا كل العمر
نفترض مجموعة اشياء عشان تسهل علي المهمه بتوصيل الفكره لكم
نقدر نقول ان حولك شخص يحبك مره بس انت ماتدري ..اشياء كثير تمنعه يصرّح بحبه لك ..يمكن خجول ,يمكن يخاف تفشله,يمكن هو نفسه مايدري انه يحبك..
الله لايبين غلا احد لاحد >>>دعوة وحده من البنات
شلون تدري؟؟؟
1/ اللي يحبك دايم عيونه فيك ..من اول مايشوفك مستحيل عينه تنزل عنك ..عاد انت خليك ذكي ..ولاحظ هالشي ..
فكر الآن ..من اكثر شخص يحب يطالع فيك ,,يسألك ويعلق على أي تغيرات تظهر فيك كثير..
خشمك ليه احمر؟؟
اصبعك ليه مجروح؟؟
وجهك ليه في حبوب ؟؟
روح الدكتور يشوف ضرسك اللي يعورك
شعرك طويل قصيه
لبسك حلو ..شعرك مرتب
2/ يحب يسمع صوتك ..تلاقيه اذا تكلمت اول من يفكر يسمع وش انت تقول هو ..
واذا ماسمعك قال عيد وش كنت تقول ..لا ومايسكت لازم يعلق على كلامك بعد ..حتى لو انه شي سخيف وماله معنى
عاد ان صار معاك شي زي كذا ..حرام لاتفشله ..كمّل السالفه وسولف معاه ولاتطنشه ابد
3/امسك جوالك وافتح عدّاد المكالمات المستلمه ..من اكثر واحد يكلمك (احكي عن محيط العائله والأصدقاء..مو العمل او الدراسه)اكثر شخص يكلمك 100%هو اكثر من يحبك
4/ مستحيل يتقرف منك ..لو يشوف ايش ..عادي عنده ..كل شي منك حلو وزين من وجهة نظره هههههههههه
يعني ان شفتي بنت اختك/ اخوك.. تجي تبوسك وانتي وجهك كله حبوب وشكلك مخيس عادي لاتستغربين ..
وان شفتي أي بزر يمسك جاكيتك ويشمه وانتي لابسته طول النهار كمان طبيعي ..يحبك ..
بعد اللي يحبك ماعنده أي مشكله يستخدم أي شي بعدك ..
من وجهة نظره انت انظف شخص بالدنيا
تلقاه اذا كنتو برحله يشرب بنفس كوبك/فنجالك .. بعد ماتخلص عادي جداً..
ممكن يتغطى ببطانيتك ويشمها كمان..
اذا بنت ..تلقين ربطة شعرك بشعرها عادي ..
شرباتك كمان ..يلبسها بعدك ومايتقرف ..
5/ اذا كان كبير في السن ..ممكن يغلط بأسماء الكل الا انت ..ولاتستغرب اذا نادى أي احد يغلط ويقول اسمك
6/يحب يسولف عنك قدام كل الناس ..وهاذي تكتشفها اكثر شي عند الاطفال ..اكثر شخص يسولف عنه ..هو اكثر واحد يحبه ..
حتى الام /الأب ,,اكثر واحد من عيالهم يسولفون فيه هو اكثر واحد يحبونه
7/اذا حس انك ممكن تضر نفسك ..يسوي أي شي ..
عادي يطقك كف على وجهك
يزعل عليك مايكلمك شهر
عاد بهاذي لاتصير سطحي وتظنه كرهك او قلب عليك ..لا ابداً كل السالفه من قوو حبه لك وخوفه عليك مايدري وش يسوي او كيف يحافظ عليك ..
8/اول من يفقدك ,اول من يتذكرك..
سو تجربه ..يوم كذا اختفي عنهم وقفل جوالك ..يوم واحد ..اكثر واحد ينخرش ويكلمك ..هو اول واحد فقدك
كمان عيد ميلادك ..اول واحد يتذكره هو اللي يحبك ..
حتى مواعيدك تلقاه حافظها ..متى تبدا امتحاناتك ؟؟متى تخلص ؟؟متى ملكتك؟؟متى زواجك ؟؟
9/يهتم فيك مره ..
دايم سؤاله ..اكلت؟؟ نمت؟؟ درست؟؟
احد مزعلك ؟؟ احد مضايقك ؟؟ انت طفشان ؟؟
اذا مرضت تشوفه مره خايف ومرتبك ..لازم يكون معاك بالمستشفى مايخليك لو ايش ..يروحون كل الناس لبيوتهم ويجلس هو معاك ..طول ماانت مريض هو جمبك ..
اذا فتحت عينك ..تحس فيه يغطيك..
اذا عطشت يجيب لك الماء لحد عندك ..
دايم يردد عليك ..انت مافيك شي ..بسيطه انا اعرف المره هاذيك صار معاك نفس الشي وتحسنت ..انت موسوس ..لاتدلع علينا ..وكذا ..مستحيل يخليك تيأس من الشفاء..كمان يصير حافظ كل ادويتك ومواعيدها
10/ صدقني اذا فتشت ببوكه ,تلقى فيه صوره لك ..
هاذي اكثر شي اشوفها بالناس ..اللي يحبونه يحتفظون بصوره
11/وبعد يتذكر اشياء عنك انت نفسك ناسيها ..
يافلان وانت صغير كنت مزعج..بالمتوسط انكسرت يدك ,بالثانوي تطاقيت مع فلان
12/يقول لك اشياء غريبه عن نفسك ..
امممم والله مااعرف كيف اشرحها ..مثلاً يقول لك ..انت اذا عصبت يرجف حاجبك اليمين اكثر من اليسار..
اذا اكلت الشي الفلاني ترى يجيك حساسيه و يديك تصير حمرا
13/اذا سلم عليك يحط يده اليسارعلى ظهرك مباشره..
هذا مو كلامي ..كلام علم النفس ..يقول لك ..اذا احد سوى معاك هالشي (لديه رغبه قويه في احتضانك)
عاد من رايي ان صار معاك شي زي كذا ..لاتتردد على طول احظنه
14/مستحيل يقول لك شي يضايقك او يوصّل لك خبر يضيق صدرك..
وان لاقدر الله صارت مصيبه ..مستعد يموت هو وتعيش انت ..
يفني نفسه بس عشان ترضى انت ..
كل هذا يصير وانت ماتدري ..
وكثير ممكن تسمع هالشي ..اذا كنت مريض او عندك مصيبه ..يقولون لك ..يليت تكلم امك/ابوك ..تطمنه شايل همك ..انتبه لايصير فيه شي
15/ان مرض هو ..يوصيك كثير ,,ويوصي عليك بعد ..حتى لو اللي فيه شي بسيط
طبعاً مو لازم تنطبق كلها على الشخص اللي يحبك ..
ان انطبق 50%خير وزين ..
ربي يخلي لكم احبابكم ..ويخلي لي احبابي
