ساعات الواحد بيتسأل أسئلة ترفع الضغط وتجيب السكر
والغريبة أن هوا بيتضايق من الأسئلة دي وساعات بيسألها
لأن هي ممكن تكون غريزة عند الإنسان
هو نفسه مش عارف بيسألها ليه
يعني مثلا :
دخلت تنام علي السرير وقفلت النور وفجأة يدخل عليك أخوك ويقولك
أنت نايم ؟ !!!!!!!!!!!!
أكيد لأ أنا بقيس طول السرير
قررت تخرج ولبست ورايح للباب وفجأة حد يسألك
أنت خارج ؟ !!!!!!!!!!!
أكيد لأ أنا بجرب اللبس الجديد
قررت أنك تذاكر دخلت غرفتك والحمد لله مسكت الكتاب يدخل عليك حد
أنت بتذاكر ؟!!!!!!!!!!!!
لأ يا جماعة أنا وش كدة أنا بتفرج علي الصور
قاعد مع أصحابك في مكان البازار مثلا ولا ماشي في شارع البحر واحد قريبك شافك بيقولك أنت بتعمل إيه هنا
أكيد جاي أنظم حركة المرور في الشارع
لا وتعالو شوفو قنواتنا العجيبه واسئلتهم !!
مثلا في العيد يقابلوا واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- تقول لأهلك إيه بمناسبة العيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على السؤال
ولو مذيع قابل أطفال بقي يقولهم
أنت بتحب بابا وماما يا حبيبي
لأ هما إيه اللي خلاهم يجيبونا في الزمن ده
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
طيب اتصلت ليه لما أنت مش هتشارك
يعني ماشاء الله علي الأسئلة دي
__________________
